الفجر ادن .. والخير جى
متهملش ولا تكسلش 
قوم صبح على أهل الحى
دا الرزق يحب الخفيه 
ميحبش نوم للضهريه
سمى وقول .. بسم الله 
محدش ذكر الله ونساه 
وانتى يا وداد ربى الولاد
عارفين الحمل عليكى زاد
شيلى الشيله ولمى العيله
متخليش الكل ف واد
متهمليش .. بالشكلده 
الله يرحم ماما سيده 
ولادنا طاحوا بسببك راحوا
فوقى ياماما ميبقاش كده 
وانتوا شبابنا يا أمل بلدنا
إنتوا عمادنا وانتوا عتادنا
إشتغلوا بذمه وشدوا الهمه
سيبكوا م النفسين والشمه
خليكوا رجاله ولاد رجاله 
مش عاجبانا تلك الحاله