وجآني حبيبي إللِّي كنت باتمناه وإحلوت أوقاتي وأيامي معآه
وفرحت بيه لماَّ لقيته حاسس بيآ
وبيتمناني زي مابتمناه
ولقيت حياتي مليانه فرحه بيه ولقيت نفسي بترجآه
يفضل معايا العمر كله وروحي اللي تاهت مني ترجعلي تاني وياه
حبيته وحبيت عمري وحسيت معاه بشوقه وحنيته خدتني
واتمنيت افديه بعمري ويعيش ليا أسعده ويسعدني
وأفَرحّْ قلبه زي مافرحني وأفضل عمري كله أهوآه ويهوآني
وضحكت ليآ أيامي وفرحتني
بعد ماكانت قاسيه ومخصماني
وروحي فِرحت بروحه وقلبي اتهني بقلبه وأوقات احلوت بلقاه
والدنيا اللي كنت بقول عليها دنيآ غداره وملهاش أمآن
صبحت في عنيآ جنه وإحلوت لياليها اللي كانت مُرَّه أيام زمآن
هيآ دنيتي وحياتي قبل حبيبي كانت ايه غير ألآم وجراح
وكنت حاسس بقلوب الناس قاسيه ما شوفت معاهم يوم واحد أفراح
ولما جاني حبيبي لقيت كل شيء إتغير فعنيا وشايف كل الناس أحباب
وقلوبهم بعد ماكانت قاسيه لقيتها مليانه بالحب حتي للأغراب
ومن كتر الشوق والحب اللي حبيته لما لقيت قلب حبيبي مليان بالحنيه
خلاَّ كل يوم بعيشه معاه عمر جديد ونسيت كل الألم وبقيت سعيد
ولقيت نفسي غرقان فالحب وحاسس بنعيم الدنيا وأفراحها
وحبيت كل شيء في الدنيا ونسيت كل جراحها
وإحلوت أيامنا واتمنيت الساعات والدقايق الحلوه ماتفوت ولآ تِعَدي
وحسيت بحلآوة عمري وغلآوته
لماحبيت واتمنيت الأيام علينا تِهَدي
ومبقيتش أحسب أيامي وسنيني مادآم حبيبي معايا وف حضني
ولقيت فكري وبالي مشغول بيه وشاغلني حبه وحلاوته
مش عايز اعرف حد تاني غير حبيبي يشغلني ويشغل بالي عنه
الله علي حبه وحنيته لما بيمسك بايديه اديا واشوف فعنيه رقته وشقاوته
دآ الليل معاه بيساوي عمر من اللي عايشينه العاشقين اللي زينآ
حتي القمرونجوم السما مش عايزينهم
مادام شموع الحب منوره لينا ولحبنا
وكفايه يهفهف علينا عبير الورد والزهور اللي فتحت حوالينا وعطرت ليالي أُنسنا
دآ حبيبي ولُقاه قبل ما بيفرحني لقيت كل الطيور فرحانه بيه
والفراشات في البساتين بتنثر عبير عناقيد الفل والياسمين عليه
علشان انفاس حبيبي تفضل متعطره طول ساعات الغرام
حتى القمر شايفينه غيران مننا وصعبان عليه حاله واحنا بنقول للحب احلي كلام
يارب خلي كل البشر فالدنيا يحبوا والحب بينهم يدوم
ومايبقاش فيهم حسود للهوا ولآ عزول يشمت ويلوم
وتبقي الفرحه فعيونهم وشموع الحب قايده ليهم كل يوم
يا سلام علي الحب وحلاوته ويا الحبيب ويحلي السهر من غير نوم
الله ع العشق وجنونه لماَّ الحبيب يوصف حبيبه بأحلي كلام يتقال
والله علي حبك وجنون عشقك ياحبيبي في كل الأحوال
خليتني اندم علي كل لحظه فاتت من عمري من قبل ماأشوفك والقاك
رجعت روحي وصَحيت أشواقي وغيرت حياتي ودوبتني في هواك
وخليتني اشوف الدنيا علي طول نور في عنيا
حتي الليل لو من غير قمر نورك ياحبيبي كفايه عليا
واديت قلبي الأمل يفضل يدق دقات الحب لآخر ثانيه في العمر ليآ
وحسيت بالأمان وانت معايا ومابقتش اخاف الجفا ولآ غدر الدنيا
ونسيت كل دمعه وكل كلمه جَرَحِتني وجرحتّْ قلبي من قبل منك
و اتحققت كل همسة حلمت بيها واتمنيتمها سنيني قبلك
جيت ومعاك الأمل والأماني وخليت السعاده والفرحه في كل مكان
وهان عليا عذاب الدنيا لما رويتني بحبك ورويت قلبي بالحنان