مستنيين ساعة هنا 
تاهت وضاعت مننا 
عشان فى ناس فى وسطنا 
هتطير مننا عقلنا 
أخينا البيه ملوش هويه
دماغو رايحه يقول دا جايه
ليل ونهار يطحن ف ميه
وفاكر نفسو الميه ميه
يروح شمال يرجع يمين
طقطقه ومنغير طحين
جوا جيبو مفيش جنيهين 
وكل كلامو بالملايين
دا نموذج موجود وسطينا 
ياخد منا ولا يعطينا 
لو قلنالو فيوم غطينا 
يجرى يدفس راسو ف الطينه
فى كل حته بنلاقيه 
رايح جاى تتكعبل فيه 
وسع كدا لسعادة البيه
هيشرفنا الليه معاليه 
تلقاه عامل أبو العريف
ياخد منك ولا بيضيف 
وليه معرفشى عندو كيف 
يحب يكسر فى المآديف
إسمع منى ياعم بشندى
لو شفتو متاخدش وتدى
لو تسألنى وعاوز ردى 
دير وشك على ميعدى
العقل زينه قوى ياجماعه
نستعملو فى اليوم لو ساعه
ويا إما نفكر بقى ببراعه
يا نواجه أخطار ومجاعه