انا كنت عايش فى الحياة ومتغرب
ولا عارف اهرب من الوحده ولا اقرب 
عايش في جحيم ملهوش نهاية
لكن ضي القمر كان هو البداية
منور ضلمتي الجاحده
لما جيتي انتي حبيت الحياه
زى الغرقان ومتعلق فى اشايه 
والجبل السايب مخفش من الزلزال
فضل سابت فى مكانه وراكز على اى حال
خليكي ساكنه جوه قلبى وداويه
لو حتى الجرح قاصد انه يأذيه
بطيبتك انتي وحنانك تملى علاجيه 
البحر عمره ما اتخلى عن موجه
والشجر عمره ما فارق طيوره 
والقمر بعزته وجاهه ماسبش نجومه
اتعلمى منهم انتي أصول الدنيا
وسيبك من افعال البشر لانك مش منهم
انتي ملاك ميعرفش الغدر وبعيد عنهم
عمره ما يشبه حقارتهم ولا طبعهم
شوفي فى الحرم الحجر الأسود
كان فى السما لونه صافي ونضيف 
نزل كوكب البشر اتغير لونه واصبح مخيف
والبشر عن معجزته غافل عنه
ورافض يتطعز لانه منه
لانه قلوبهم دايما تشبه سواده
#لكن_وصيتي_ليكي_انتي 
علشان يكمل معاكي عمرى
واعيش كل حياتي مرتاح
واركب فى دراعاتي جناح
واطير بيكي من السعادة
وصيتي ولازم تنفيذها 
تفضلى طول عمرك تحبيني 
وبحضنك اوى اوى تضميني 
لو فى مره عليكي قاسيت 
تسألى من إجابتي تسامحيني
وان جرحتك بدون قصدى 
تسمعي مني وتهديني
مفيش غيرك ساكن قلبى
واختاروه قلبي قبل عيني
انا وانتي زى الشمس والقمر
ضحكه النهار وضوء السهر 
مهما اتغيرت عليهم الحياه 
عمرهم هما ما ييتغيروه
ومهما تقبلنا عواقب
لا بد فيها انك تقدرى
وانا اوعدك اكون سندك
هعيش واموت جوه قلبك 
وروحي هتفضل حواليكي ...
اصل الجمال مش في الشكل 
ولا اساس لجلب السعادة 
الجمال الحقيقي هو القلب
ونطق اللسان بيه شهاده
وربنا شاهد على كلامي 
ان عالم حواء كله فيكي ...؟