٤٥ سنه
و ف يوم من رمضان ..
والناس صايمين
كان .. سته أكتوبر 
تلاته وسبعين
وقف الزمان يتفرج .. 
على ولاد رمسيس ومينا
ولاد الفراعين
سيمفونية على خط القنال ..
معزوفه
بحمم نار عالساتر وبارليف
محدوفه
الله أكبر ..
الارض بتتطهر
وملايكه ويا الجنود ف سينا
مصفوفه
وخلصنا من وهم .. 
وأسطورة
بملحمه .. صبحت ف التاريخ 
مسطوره
الله على ولادك يا مصر
عاشوا .. وعشتي
محفوظه .. ومستوره
لما ندهت عليهم الارض
وقالت تعالوا .. ياللا وفوا الوعد
لبوا الندا .. بلا قواله 
ولا عياده
ده تحريرها .. 
زي العباده .. 
فرض