حرب وخوف والحب مفيش 
حاجه وحصلت لحظة طيش 
اهل اجتمعوا وقالوا خلاص 
بنتك لبني وغيرها مفيش 
فرح وزينه وناس بتغني 
طرحه وبدله عريس وعروسه 
انا راح اقول وهتزعلوا مني 
بس انا بحكي قصة عويصة 
واهو اتنين بقوا جوه البيت 
سنه واهي ولدت صبحوا تلاته 
في سبوع المولود غنيت 
واهي عيشه ولا فيها سعاده 
فجأة وظهر الفرق ما بينهم 
مهو م الاول مغصوبه عينهم 
يا هتتحمل يا هيتحمل
ومفيش غير الطفل شاغلهم 
فيه بيتفرق ويقول نفسه
وفيه بيعيش مع حزنه ويأسه
وفيه بيموت من حصرة قلبه 
وفيه الي ما قادر ياخد نفسه 
طب دلوقتي الذنب في مين 
ولا الاهل ياناس ظالمين 
خافوا وقالوا اتجوز بدري
علي نياتهم مش عارفين 
مش عارفين لازم نختار 
ولا حاسين اننا في النار 
نار بتعذب مبتحرقش 
وحاجات يامه ماليه الدار
ايه المشكله لما نحب 
ويبقي الحب طالع م القلب
ساعتها الكون يتغير حاله
ومحدش يشعر بالذنب 
ساعتها العيشة هتبقي براح 
وكل مشاكل الكون تنزاح 
وتبقي الدنيا الوانها جميلة 
نفسنا حبه في يوم نرتاح