خدنى معاك لنهاية العالم 
خلينى اشوف اللى مشفتوش
عمرى قبلك واللا العالِم
عيشتو زى اللى معشتوش
خلينى أشوف دنيتى بعنيك
واطلع لنجوم السما لبعيد 
أغمض عينى وامسك فإديك
طفله وفرحانه فيوم العيد
لفنى بدراعك .. دفينى
خلينى احس بدقات قلبك
حضنك فى العالم يكفينى
لو كل الدنيا قصادك احبك
دقات قلبك تحكى حكايه 
حدوتة مين فينا المشتاق
عملوا منها قصص وروايه 
بتشعلل نار العشاق 
نمشى حافيين على شط البحر 
نعلم ع الرمله برجلينا 
أشوف فعيونك أجمل سحر 
ولحن الحب بيعزف لينا 
أرتاح على صدرك وأنام 
حاجه جوايا تقولى مقومش 
فاضل ويايا حبة أيام 
خدهم وياك متضيعهمش