في عنيه شوفت شوق وحنين
كإنه معايا بقالوا سنين
ولقيت قلبي إتعلق بيه
ومشغول بيه مش عارف ليه
وليل ونهار بفكر فيه
واعمل إيه فقلبي وفيه
الشوق بياخدني لو يوم غاب
ياهل تري حب ولاَّ إعجاب
أصله إحساس عليآ جديد
وكل يوم جوآيا بيزيد
بس مخلي قلبي سعيد
ولقيت نفسي بحب الدنيآ
وكإن قدري بعته ليآ
وصالح قلبي وحن عليآ
وفجأه لقيته غاب كام يوم 
ولقيت عيني خاصمهآ النوم
وروحت مكانه أسأل عنه
واوصف فيه مش عارف إسمه
بس يومها خيالي رسمه
والف خساره موصلتش لييه
وفضلت أيام وأنا مستنيه
وفجأه حالي لقيته إتغير
وفكري إحتار وياه وإتحير
ولما حكيت عن اللي جرالي
واللي بحسه وغير حالي
قالولي ده حب يامسكين
قولت حبيبي والاقيه فين
وانا كام مره قابلته صدفه 
كان بيفوت وكإنه نسمه
فين بس الآقي الغالي
يطمن قلبي ويريح بالي
ولآ انكتب يعيش في خيالي
ولما فرحت رجع بكاني
وف مره نمت وأنا زعلآن
من بعد شوق خلآني تعبان
لقيت طيفه جآني منآمي
وكإنه سنين كان أحلآمي
وبلهفه ناديته وعنيآ بتبكي
ليه من حبك تسيبني أشكي
ولكل الناس عنك أحكي
وكإن طيفه بيكلمني
وعن غيابه بيطمني
ولقيت شوقي بيفرحني
لما بحبه لقيته وعدني
ولقيت نفسي باخده في حضني
من فرحتي وفرحة قلبي
ولما صحيت مالقيته جنبي
اتمنيت ماكنتش أصحي
وافضل نايم مافارق طيفه 
ولقيت نفسي بادعي لربي
يرحم حالي ولحبيبي يبعتني
وفجاه لقيته في نفس مكانه
اللي شوفته فيه كام مره 
ولما شوفته لقيته بيضحك
اتاري طيفي راح له منامه
وعن احوالي وحبي حكاله
وفضل معاه ليله ماسابه
لغاية ماشغله وشغل باله
ويومها قعدنا وحكينا كتير
بكلام من القلب من غير تفكير
وبعدها يوماتي كنت بقابله
وحبه شغلني وبحبي شغلته
وعشنا قصه حب جميله
وسهرنا سوا ليالي طويله
ويا القمر ونجوم الليل
وحبي وحبه ماله مثيل
الله علي الحب ولو كان آاه
بس القلب ينبض بيه
وييجي الحبيب إللي بنتمناه
ويفرحنا في يوم لقاه
وتحلوا الدنيا بينا وبيه
ونعيش العمر نتهني معاه
وروح كل حبيب للتاني فداه