قالوا حفلة .. قلت زين
قالوا اكتب .. ع العنين
إفشى ع اللى .. بيه أشارت
من فرح أو من أنين
قالوا فيها كل حاجة
حب لوكان من سنين
امسح الألم اللى واجع
جوه فوق الأربعين
والسهام راشقه بمواجع
صابت القلب بنارين
اللسان لازم سكوته
فاضحة للأمر العنين
إتخطف بالنظره قلبى
حاصد الماضى السنينن
دار شريط الذكريات
وشوش الدمع الحزين
والقلم .. الحر واضح
ترجم المعنى الدفين
عَلاَّ تاثير القصيدة
يطفى نار الموجوعين