بسهر لوحدى ف الليالى 
أشخبط بالكلام وارص
وربنا الأعلم بحالى
هوا كفايه عليا وبس
أنا اللى بلعب بالحروف 
وأنا اللى بشرح الظروف 
وانا اللى ساعات ينتابنى خوف
واقول لنفسى كفايه هس
أنا اللى عامل فيها جن 
وانا اللى ممكن اتسجن
لو فضلت كتير ازن
هاجى يوم اخبط واطس 
ضيقه ولكن هعدى
واخد الأمور تحدى 
أعمل ايه قاعد لوحدى 
وبصحى الساعه واحده ونص
عندى ف الكلام إسهال 
الدكتور هوا اللى قال
ويسكتونى أقول محال
لازم اخلى الناس تحس
خدلك ياسيدى كمان علامه
طريقك اخضر بالسلامه 
ياعم روح بطل تلامه
شكلك واخد فيها كورس