ياملكه الورود / ليه الجميل سارح
الورد لون الخدود / وشوك الحصاد جارح
أخاف تكون محسود / اصل الجمال فاضح
حتى العبير فيكى / معطر الاجواء
بالغالى أفديكى / من كامل الانحاء
ودموعى ترويكى / يا أجمل الاسماء
الورد والياسمين / طارح على جبينك
مين فى جمالك مين / دى رموشى حضنينك
فى الفرح متقاسمين / قلبى مع عينك
يازهره البيلسان / ظلك على حبيبتى 
عطرك ده كله حنان / من نبعها شربتى
يازهر الزيزفون / زيد لى ف سعادتها
وغنى نغم موزون / أسفل وسادتها
يازهر الاقحوان / شوكك مايجرحها
خليك عليها حنون / ودايما تفرحها
عقلى بها مجنون / وقلبى مسامحها