إنتي الحب والحنيه وانتي الهوي والشوق الغالي في اجمل دنيآ
يااجمل حب نساني ايام عمري قبلك واحلي غرام حصل في الدنيا ديآ
ايامي و حياتي قبل منك كانت عذاب وسهر وحرمان وعدم
ومعاكي ياحبيبتي نسيت كل ماكان فيها من هَمّْ و ألم
ياأجمل وأرق حبيبه الحب كله عيشته معاكي وكإني عايش في الخيال
ياكل الحنية والحنان وكل السعاده و الغرام وراحةالبال
مليتي حياتي فرحه بتمناها تطول الف عام ويارب حقق لينا الأحلام
ياحبيبتي حنانك شيء مش عادي يملآ الارض والسما وخلآني مابنام
وهواكي خلآني اسعد إنسان ياأغلي من حياتي انتي ايه قوليلي
انسانه زي كل الناس ولآ ملاك من السمآ ورضا ربي بعتهولي
باحس معاكي إني عايش فالجنه ومش فالدنيا اللي كانت قاسيه عليآ
دانا لما عيني بتسحرها عنيكي وايدي بتحضن ايديكي بحس بنفسي طاير وماسك القمر بإيديا
ومن فرحتي وحبي ليكي باتمني عمرنا يطول سوآ ويبقي يومي قبل يومك
ودايماً بالي محتار في عِشقكْ وعِشقْ جمالك ومدوخاني حنية قلبك
رغم ان حبك بين الحبايب ماحصلشي ولا بعدينا ح يحصل لكنه حب نار
وطول عمري كنت بحلم بيه وباتمني اكون فيه غرقان ويعذبني ليل ونهار
دانا عايش معاكي ياحبيبتي في حلم جميل وايامي باحسبها بالثواني
ومن كُتر حلآوتها كل يوم بارجع احسبها من الأول تاني
كل ثانيه فيها حب وغرام يعشقوه كل العشاق في سنه
وفيها اشواق وحنين ماحد شافوا واتهني بيه من الحبايب الآ إنتي وأنآ
انا كُلي ليكي وملكك ياحبيبتي وكل مااتخلق من احاسيس ومشاعر جوايآ
مش خساره فيكي
ده انا لمآ بكون معاكي بحس بكل الخلايق فالأرض وفالسمآ بيحسدوني 
عليكي
انتي إيه ياحبيبتي قوليلي واتكلمي وازاي هواكي مدوبني دوب بالشكل ده
ومابقتش عايز اعرف حد تاني يشغلني عنك ولا شايف غيرك انتي بعيوني كده
وانا في حضنك ياحبيبتي باحس اني فرحان وطاير بين السحاب
ولما تغيبي عني ثواني باحس ان الدنيا من غيرك بقت سراب
ويكويني شوقي ولهفتي واحس بخوفي عليكي وجنوني بيكي
ولما تجيني بعد غياب الثواني ببقي عايز استخبي جوه نن عنيكي
علشان لما تغيبي عني تاني ماتبعدي عني ولو ثواني
وما يعذبني بعدك عني ولا ياخدني للضنا وسهدي وشجوني وحرماني
ياحبيبتي ليكي الحب والوفا والشوق والحنين وعمري كله
بس اكون معاكي ودفيان بحضنك ومهما طال عمري لا أمِلّْ ولا أشبع منه
دانا باعيش في همي وحزني وعيني بالدمع تبكي لما تغيبي او تبعدي
حبيني ياحبيبتي قد ماتقدري حبي واوعي بهمسة حب واحده عني تبخلي
عشقي ليكي عشق تاني ومن نوع جديد مفيش زيه بين البشر ولا في الكون
ولا اتخلق في قلوب العاشقين وزي عشقي أنا ليكي ماراح يكون
دانا ياما اتمنيت من صغري اعيش واتهني بالحب كده
وماخطر علي بالي لحظه اني هلاقي بين قلوب البشر زي قلبك وزي حنانك
حبك جنه ونار وغرامك ويل ومرار
وجنتي ياحبيبتي بأعيشها بين احضانك
وناري ياحب عمري باحس بيها لهيب وانا دايب وتايه بين أحلي شفايف
وويلي ومراري باحسه واعيشه لو غيبتي عني وببقي عليكي خايف
شايف فعنيكي شموع الحب والأفراح وكانت ايامي ليل طويل وضلمه عتمه وقدامي مش شايف
ياما عذبتني أيامي وطالت لياليآ من كُتر قسوتها وظلمها فيآ
ومن كتر القسيه اللي عيشتها وشوفتها من قلوب اقرب الناس ليآ
كنت باتمني موتي كل ليله وكل يوم وبقيت اكره واخاف من كل شيء حواليآ
وجيتي ياحبيبتي ومعاكي الضحكه والفرحه وكل الحب والحنيه
وفحضنك حسيته بستان حنان نسيت وانا فيه هيمان كل القسيه
حبيت حياتي من تاني ياحبيبتي بكل مافيها بعد ما صالحيتني الدنيا
خبيني في عنيكي وحني عليآ 
دانا حبي ليكي خلاني مش عايز ابعد لحظه عنك ولا أغمض عيني ثانيه