زمان يابلدي كنت بشوفك
وناسك 
طيبين ومخلصين 
فجأة يابلدي موتي 
ومات الجميع 
ودعونا في 
مشهد عظيم 
تركتوا لنا الحياة 
على وضعها 
علشان نكمل المسيرة 
بخطى حنين 
لكن للأسف طلعنا جيل 
مش عند 
حسن ظنكم ديمآ 
وابدا متفرقين 
نهوى الهوان 
وللهوان ديما عليه 
عاكفين مستمتعين 
ياخسارة يازمني 
على الأيام 
الحلوة لما تمر 
مرور الكرام 
بسرعة زي الحلم 
الجميل في العرين 
بقيت يازمني أشوف
أشباح متحركة 
تسب الشريف على 
مرأى ومسمع الأرض
والناس أجمعين 
بقيت أشوف 
الضعيف 
بقا يبكي بوكا 
يسد النفس 
ويقطع الشرايين 
بقيت يازمني ابكى 
زيي زيهم 
وبنفس دموعهم 
وغلبهم 
والعن الساعة اللي 
جابتني 
في دنيا المارقين 
ياسلام يازمني 
كشفت الكتير 
من التعالب الماكرين 
كشفت الصاحب الخاين 
اللي مش في جنازة 
صاحبة الصالح الأمين 
اللي فتح له بيته 
واحتواة من نوم 
الرصيف زي القطط
والكلاب المستأنسين 
ياسلام يازمني 
كشفت لنا 
الوقح اللي عاش 
علينا كلنا 
دور لقمان الحكيم 
وهو للأسف 
واحد لعوب 
أستغل طيبه الغلابة
وسرق منهم 
عرق السنين 
زمان يابلدي كنت 
بشوفك وناسك 
طيبين ومخلصين