كل حاجه يا حبيبتى اكتبها ليكِ 
كل حرف فى كل كلمة
منبعه النظره ف عينيكِ
كل وحى يجيلى فجأة
أصله كان احساسى بيكِ
حضنك الدافى واحشنى 
نبض شاعر باللى فيكِ
إعزفى من لحن دافى 
غنـّى بيه من أجلى قلبكِ
وبأمانينا اللى حلوة 
دابت الأحضان فى غنوة
حرفى عنك وانتِ طفلة
م الحنان حرمان وجيعه
حرفى وف أول لقأنا
تسكن الاشواق وديعه
الضمير باحساسنا عايش
وف منامِك بتلاقينى
نفسى افوق من نومى وأصحى
القى روحى بتناديكِ
والنهاردة معاكى ناوى
للسعاده والغناوى
بس خايف م اللى جاى
م اللى يجرح حبنا
آه من الحب اللى كاوى
واللا غِيره تكون شديدة
تهدمى قلوبنا السعيدة
والله خايف حبنا
يصبح خيال
أو سراب
أو تنتهى 
بينا الحياه
جوّه ف قصيدة