ليه تجرحيني وتقارني بيني وبين اللي گان من قبل مني
وبكلامك ليه تعذبيني وتشعللي ليه جوايآ غيرتي
وانا اللي من يوم ماحبيتك بقيتي اقرب مني لنفسي ياحبيبتي
بلاش تاني تجيبي سيرته وانتي معايا وتجرحيني
مش هو ده اللي غدر بيكي بعد حبك وراح لغيرك
وياما بكاكي ليالي وليالي وحطم قلبك وگان سبب لعذابك
جايه ليه دلوقتي تكلميني عنه وتجيبي سيرته بعد ماحبيتك
إن گان هدفك تمتحني غيرتي عليكي بكلامك عنه تبقي غلطانه
ولاَّ هو لسه عايش جوآ قلبك وعلشانه عايشه معايا وانتي ندمانه
طب ليه خدعتيني وانتي لسه بتحبيه ومش قادره تنسيه ومخلصالوا
وكان كل الكلام والشكوي منه كانت كلها اوهام
وانتي لا قادره علي نسيانه ولا قادره تحبي وتقدمي لغيره الغرام
ليه الوفا في أيامنا ديآ شيء قليل ومش ح أقول مستحيل
لأنك لسه مخلصاله وانا وفيت لحبي وبقينا للوفا ملناش مثيل
لو معايه عايزه تكملي إنسيه وبرهني وعنه تاني لا تتكلمي
ولو گان لسه شاريكي كنت أول واحد شجعتك ترجعيلوا
ولو عايزه كل واحد يروح لحاله ح سيبك مادمتي مش قادره تكملي
قدامك ساعه واحده تراجعي نفسك وتختاري وتقرري
انا عمري مااقبل اعيش معاكي وانتي في حد تاني بتفكري
حتي لو. ح ادوس علي قلبي اللي حبك وح اتحمل مراري وعذابي
واصون عزة نفسي وكبريائي واعيش في الدنيآ وحداني
دا الحب إخلاص ووفآ بين حبيبين وعمره ماگان غدر وخداع
وربي ح يعوض عليآ وح يصبرني ويصبر قلبي علي الحب اللي ضاع