عبد الصبور شاف الطابور
قال لأ يا عم تروح تغور
أنا لو قضيت المصلحه 
هرجع وروحى مروحه
م الصبح لما للمسا
ناس ع الشباك متدفسا
حر وعرق ناس تتسرق
على إيه ياسيدى متتحرق
له معرفه بقى بالشفا
خلص فى ثانيه واختفى
إنزل واتفرج يا وزير 
متسدقش كلام التقارير 
أم عنايات والشيخ فرحات
فى الصف وقدامهم ألوفات 
خش يا عبد الله الفرامه 
أخد الحقوق تمنو كرامه
الموت مبقاش عند اللفران 
نقلوه لشباك الديوان
كدا هنموت كدا هنموت 
لو مش بعصايه يبقى بنبوت
ياحكومه لأ .. كدا حرام
زهقنا من كتر الكلام