عيونك حبيبتى / بتضحك لمين ؟
بخيله بطبعك / ورمشك ضنين
عيونك بتجرح / قلوب محرومين
وايه ذنب قلبى / اللى حبك سنين
فى عينك بريق / زى ضى القمر
بينشد قصيده / ك سيل المطر
بريق بيصاحبنى / كأنُه القدر
ورمش يغازلنى / فى وقت السهر
عيونك حقيقه / ماليها أمان
بتشعل نيرانى / فى كل مكان
وحتى فى حلمى /باشوف الهوان
عيونك بتضحك / لمين ياجميل
ياطول انشغالى / فى ليلى الطويل
كفايه عذابك / لقلبى العليل
حقيقى باحبك / ودمعى الدليل