هنعمل ايه .. مدام احنا 
بتنزل دمعه .. في فرحنا 
وتهرب روحنا .. من روحنا
ومش حاسييييين
دا غير بالهم .. والاحزان 
ومش شايفين .. لغيره مكان 
وادينا بنحضن الايام 
ولا عارفييييين
هنبكي .. ولاهنغني 
دموعنا .. واقفه في النني 
اكيد احبابي .. فاكرني 
ومش ناسييييين
ما تيجو نعيش .. مع الحاضر 
وننسا .. اي شي غادر 
ونفرح مره ونسافر 
كفايا انييييين
تعالوا .. نصالح الايام 
ونغرق .. حبه في الاحلام 
مهو الاحلام 
دي فيها حنييييييين 
بلاش نبعد .. بلاش نحقد 
وندعي لربنا .. ونسجد
يعوض كل ايامنا 
باحلي سنييييين 
هننطق .. وانتوا ويايا 
نقول للحزن .. دا كفايا
خلاص .. هنفضها حكايه 
يا مستمعين 
ويلا .. نودع الماضي 
دا راح كله .. علي الفاضي 
بحلوه ومره .. انا راضي 
ما عدا سنييين 
ما عدا سنيين