فينك ياللي خطفت عقلي وفين اراضيك
قولي حيكفي عمري إني أدور عليك والاقيك
ياللي بروحي وعقلي وقلبي لسه شاريك
ليه تشغلني وتشغل بالي وعني تروح
وتسيبني انا وسهدي ووجدي وقلبي مجروح
ياما عيشت جوايا حلم عمري واتمنيتك
وسنين من عمري ياحبيب قلبي استنيتك
جيت في حياتي حبيب غالي وملكتها
وزي ماتكون طيف غيبت عني وتركتها
وغابت معاك ابتسامتي وراحت كمان فرحتني
ليه خدتني انا وهواك لجنه ياما بيها وعدتني
وليه خليتني اعيش هيمان انا وقلبي في الخيال
وليل ونهار شاغلني وشاغل معاك الفكر و البال
وسهرتلك ليالي وليالي اكتب واوصف فيها جمالك وحسنك
خليت القمر والنجوم والسحاب ياحبيبي يغيرو منك
حتي الحروف بين ايدي اشكت عذابها من نار شوقك وحبك
ياحبيبي ليه تقسي عليا وتفوتني اعاني ويلي
وتخليني اناجي الليل واشكيلوا منك ويطول ليلي
وانت عايش بعيد عني معذبني ومش داري بحالي
طب تعالي خليني بس اشوفك وشوف ايه جرالي
ايه زعلك مني وخلآ الحنيه اللي في قلبك تبقي أسيه
وقدرت تبعد وتنساني وتختار الفراق وتسيب الشوق يعذب فيآ
طمني عليك ياحبيبي وما تعذبش معاك انشغالي
وكفايه عليآ اشوفك متهني حتي لو مع انسان تاني