أهلاً بيك ياهلال العيد
معاك خليت القلب سعيد
فرحت قلوبنا ولميت احبابنا
ونورت ديارنا بكل اصحابنا
وجمعت شمل غريب وحبيب
ومحدش عنآ في يومك بيغيب
الكل جاي لبيوتنا يبارك
وفي الأفراح جاي يشارك
والكل معاك ياعيد فرحان
والزينه موجوده في كل مكان
جيبت ومليت في عنينا الفرحه
وگإن هلالك عروسه بطرحه
جمعت الحبايب و الخلآن
ونسينا في يومك جميع الأحزان
ولا هيكون حبيب زعلآن
والفرحه تزيد وتملا قلوبنا
بالأضحيه وحوالينا حبايبنا
وبعد صلاتك نجري وندبح
وكبير وصغير الكل بيفرح
والفرحه جوانا مش سيعانه
واحنا بنسعد ناس غلبانه
وبنمسح دمعة عين مسكين
وف ليلة العيد الغرام هيزيد
وشموع الحب في بيوتنا تقيد
اهلاً بيك ياأحلي عيد