نفسى ازورك يانبى واحج بيت الله . 
دالكعبة هى مقصدى ومركعش غير لله . 
بادعى ربى وانا ساجد وانا واقف على عرفات.
اغفر يارب لاهلى الحى منهم اللى مات . 
واهدى شباب أمة محمد حبيبك خير الأنام. 
ووفقهم يارب دائماً وخليهم فى الامام . 
ورجع لينا العزة والهمة زى زمان. 
خلينا نقود الأمة نرجع الأوطان.
أوطان خدوها منا لما بقينا ضعاف .
وقدروا يفرقونا والكل فينا خاف. 
انصر يارب دين امتك أمة الإسلام. 
بنظر إليك يارب وبدعوك ليل ونهار. 
تشملنى برحمتك وتعتقنى من النار. 
واجعلنى يارب فى دنيتك من الأبرار. وابعد عنى كمان عبادك الأشرار. 
ويارب صلى وسلم على نبينا الغالى. وخلى يارب راية الإسلام فى العالى. بحق بيت الله وطوافنا من حواليه. 
رافعين أيادينا من يوم ماجينا إليه. 
دعوه وبدعيها نفسي أزور بيت الله.