ليه ياصحبي تخلي عشمك زايد بالقوي
خليك ياصحبي معتدل تعيش خفيف
دا الدنيا ياصحبي فيها الغبي والمفتري
اللي قلبه على طول كفيف
وفيها اللي عامل نفسه الولد الحنبلي وهو
طيشه وولد خروف
ياصحبي العشم ماعدش زي زمان فللي
ولاعاد كمان كدا أليف
حتى الدموع ياصحبي بقت ملهاش معنى
عند ابو لمعة الهنجري اللي بيتسول تمن
الرغيف
الكل شايفها دموع نازل على الأرض
بتشويها شوي الجمبري
ويقولوا عليها دموع مزيفة وكلها زيف
ياصحبي ياللي عشمك زايد عن الحد أرحم
نفسك والنبي
وتعشم في ربك صاحب التصاريف
وأدعي وقول ياربنا العمر ركبني في عز
الصبى خلاني كهل خلاني خريف
صون ياربي وجهي صون خلقتي من العوز
والقهر العنيف
طرقت باب الغبي والمفتري عاشوا عليه
دور الشرف والعفاف
وهما اللي جابوها ياربي على الضلف وخلونا
نفترش كل رصيف
أه منك يادنيا عرفتي بينا تلعبي .. وتوقفينا
كلنا على الأطراف
بكرة جاي هاتبكي فيه وتندمي وتعرفي مين
فينا اللي فعلآ كان النضيف