وإيه يعنى / أغيب عنك
ده انتى منى / وأنا منك
وأيه يعنى / اغيب لظروف
يدوب قلبك / فى رُعب وخوف
وفين ما أكون / انتى ويايا
وكيف هايهون / حُبى ودوايا
كفاكى ظنون / ياساكنه جوايا
ده انا المجنون / ياحيرة قلبى وأسايا
باحبك اد كل الكون / ياحلم العُمر ومُنايا
وأسهر لك وانا مفتون / مع قمره ونجمايا
وليل الغُربه كُله سكون / وقلب حزين ودمعايا
لكن راجع بقلب حنون / وبسمه شوق ووردايا
انادى عليك وتسمعنى / وعشق حبيبتى رجعنى
ونار الغُربه توجعنى / وغير حُبك ماينفعنى
ومهما النار هاتلسعنى / هاعود ليكى وايه يعنى