تعظيم سلام قبل الرغى وكتر الكلام عاوزين نقول تعظيم سلام عارف ناسيين قصدى على مين وهقول لكم لو نعسانين لكل واقف فى الأمام لعسكرى واسمو إمام للجندى ... والظابط الهمام وكمان سلام عالى المقام لقاده يدوهم تمام دولا اللى ضحوا بكيوا وفرحوا دولا اللى صحيوا عشان ننام ولكل أم ربت ولد واقف بيحرس فى البلد مقالش ليه ولا قال بكام وكمان سلام منغير كلام لأب شاف وسط الزحام ولدو ملفلفاه أعلام رايح لمثواه الأخير وهنا الكبير هوا الكبير يقول ياولدى ارتاح ونام رفعت راسى فوسط ناسى شاوروا وقالوا أبو إمام تعظيم سلام يا كل واقف فى الأمام تعظيم سلام
