مالك كفا الله الشر
بتعك ليه وتلك
مش راسى ليه على بر
متفك م الفيسبوك
وشوشتلك ودعى 
وسألت آخرو فين
قال يابنى ناس تدعى
وناس تقول آمين 
ياعم كتر الكلام 
خللا الحروف هربت
وماسورة الأحلام
من حلمها ضربت
إسمع نصيحتى وهس 
إسكت ولا تقولشى
خليلى ودنك بس
وقول للسان امشى
وجع الدماغ ماهو زين
والأسبرين غالى
عاوز تاخدنى لفين
يا سيدى ونا مالى
إسمعنى سبت وحد 
وقول انتا يوم لربع
متخلى فرصه لحد 
ليه بس متسربع
يابوووى على دا لسان
صبح ومسا يرطم
إسم الكريم حسان 
والفعل بيبرطم