ياكاويني بنار حبك
ومعذب قلبي في قربك
لو تبعد تسبني احتار 
وتشغلني ليل ونهار
وِيعيش قلبي في نار
ياحبيبي هواك دوبني
وغرامي ليك عذبني
أموت لو يوم تبعدني
أو تحرم قلبي لقاك
ياحبيبي ده أملي هواك
والقلب يرتاح وياك
والدنيا جنه معاك
ياحبيبي بلاش تلاعبني
أو تغيب دقيقه عني
وتخلي الشوق يتعبني
وتشغلني ولا تطمني
مانا دايب فيك من بدري
وحبك بيجري في دمي
سنين من قبل ماتدري
وياما الهوي بكاني 
وبـُعدك ياما ضناني
وسهرني شوقي ليالي
وعيونك ياما خدوني
سرقوني وكمان توهوني 
ولنجوم السما ودوني
نقشت حروف اسمك
وقلوب فيها رسمك
وعلي كل نجمه أحبك
خليت القمر غار
والموج في البحر انهار
واه ياحبيبي منك
خلآص جنني حبك
مقدرش استغني عنك
وف قلبي هفضل شايلك 
وفى نن العين خبيتك
واكتر من نفسي حبيتك