إستنى عندك يابنى 
رايح على فين وسايبنى 
أنا جاى معاكوا أزور
بيت الله المعمور
واتاخر ياسطى اتاخر 
هات عم محمد راخر
خدنا معاك الحرمين 
واقبلها يارب آمين
ويا نفسى توبى توبى 
واغسلى يارب ذنوبى
جايلك تايب يا نبينا
إكتبهالنا وعدينا
طلعنى جبل عرفات
دا العمر عدى وفات
واسقينى من بير زمزم 
أنا لو مطلعتش هندم
ورينى ازاى وانا اشوف
حوالين الكعبه واطوف
واسعى فى الصفا والمروه
أنا هجرى زى البروه
وألف سبع تشواط
خلينى ارمى الجمرات
رجعنى إنسان تانى 
مش هبقى عمرى أنانى
إستنى عندك يابنى
رايح على فين وسايبنى