ازاي قلبي ينورلك شموع الحب والحنيه وانت تنكر
وحبي يبقي بستان زهور وانت تهمل وتهجر
ازاي هقدر أتحمل عذاب حبك وهوان غيابك
وانت عارف اني عايش بحبك ومقدرش أتحمل بعادك
ده هواك ياغالي خلآني انا وخيالي أسري لحبك
حتي دقات قلبي بقت لحبك نغم ولحن جميل وبتنطق حروف اسمك
ماانت حبيبي ونور عنيآ وأقرب مني ليآ
حتي روحي ساكنه روحك ومش ساكنه فيآ
وغرامك جوه قلبي فاق الوصف والخيال
وازاي تنكر غرامي ياقاسي وهو شاغل الفكر والبال
ومن غير ماحلفلك أو أجيب لحبك دليل
لما تبعد أو تغيب إسأل دموع عنيآ اللي ملهاش مثيل
ازاي حياتي قبلك كانت عذاب وضنآ وسهد وليل طويل
وإسأل الوجد اللى كان بيا وانت عني بعيد
إزاي ياأعز واغلي حبيب تهجر وتفوتني لوحدي وحيد
وازاي قلبي هيقدر يعيش محروم منك ويفضل غريب
ليه بعد ماحبك ملكني وف غرامك كنت عايش سعيد
وبعد ماصونت ودك وحافظت علي ودادك وكان يوم لقاك بيآ عيد
اخلصت لك في حبي ووهبت لك عمري ومن غير تفكير
وجاي تظلم حبي وتتجني علي قلبي وتعيشني في وهم كبير
عايز تهجر اهجر براحتك ومش هلومك ولا هسأل عليك
هلوم نفسي علشان صبرت عليك واتحملت منك هجر كتير
مش هسامحك علي ظلمك وهجرك وقسوة قلبك