وبفرش همومي ع السطوح بدري لجل تتبخر فتطلع عليها الشمس بتنشفها ويجي عليها الليل بتترطب وألم الهم من تاني وآه ياني بلاقي الهم زاد الضعف وجاي يجري وألاقي الفرح متغيب يا متأخر مهوش حاضر طبور الصبح م لأول وعشان الهم جاي بدري وكان بايت من امبارح ف بيسيطر على عقلي وبيخليني مش طايق كمان نفسي وبفضل أفكر في الهم اللي ما بيتلم ومعايا يوماتي بيكبر ومين يفهم وهيقدر ومين يعذر لكن بصبر وبدعي ربي يرحمني وبرمي حمولي على المولي اللي لا بيغفل ولا بينام عشان أتقوي وأتحمل ويجي بُكره وأكمل ومش باين عليا الهم
