إكتب ياواد يا عطيه 
جواب للشيخ بركات
قولو بعد التحيه
وازيك والسلامات
الست الحاجه بهيه
جايا تزور المقامات 
نادره وهتوفى الندر
ومعاها واد عمك بدر
نتمنى تكون مرتاحه
خدها على كفوف الراحه 
حد هناك يستقبلها
تعرف من فين سبيلها
محتاجه منكوا مسانده 
خدلها أوضه فلوكانده
هتزور سيدنا الحسين 
وروها مقامو فين
ومقام الست نفيسه
بالراحه منغير هيصه
هتخطى جنب السور 
وتفرق رحمه ونور 
وهتقرا هناك الفاتحه 
أهى تبقى زياره وفسحه
ومتنساش فى الختام 
سلامنا كتير السلام 
سلملنا ع اللى هناك
واللى جنبك وحداك