إنت مين ممكن تقولى؟
صاحب... صديق... أخ...حبيب
بشتاق له تملى
عايش معايا كل لحظه
كأنك ضلى
سؤال ديما بسأله لنفسي
وبدور جوايا على الإجابه بنفسي
بتقولى إنك بتحبني
وكتير أسمع كلامك ويبان عليا
ولا كأنه همنى
مش قادره أجاوبك مشاعرك
ليه فى الحيره تحطني
بس فيه حاجه عايزه أقولك عليها
ساعة ماتبعد بلقى روحي رايحه
لروحك تجرى عليها
والقى نفسي فرحانه قوى طايره بيها
يبقى دا إسمه إيه؟
دا السؤال اللى احترت فى إجابه ليه
بس أكيد ببقى فرحانه بحبك ليه 
ويمكن يكون باين ظاهر قوى عليه
والله مش قادره أحدد 
إنت مين فى الدنيا ديه
يمكن تكون كل دول فى شخص واحد 
وبعتك رب السما لى أحلى هديه
أيوه فيك حاجه أكيد ليك بتشدنى
رغم البعاد شاغلى فكرى 
وعلاقتى بيك تهمني
خليك جمبى فى حياتي
وإوعى تبطل تحبنى
يمكن ألاقى إجابه لسؤالي
والدنيا تبطل فى الحيره
تاني تحطني