ليه يادنيا إنتي دنيآ غدآره وملكيش أمآن

بتقلبي علينا وتخونينا لو ضحك لينا الزمان
ودايماً متوهانا فيكي إحنا وحبايبنا
ليه يادنيآ بتضحكي شويه لينا 
وفي عز شوقنا تحرمينا
وليه تخلينا نحب ناس قلوبها بتحب ناس غيرنا وتبكينا
وناس قلوبها دايبه فينا والهوى معذبهم من غير ماتعرفينا
ولو حبايب متجمعين تخطفي حد منهم والتاني تعذبيه
ليه يادنيا انتي غيوره وحقوده ومستكتره الفرحه عليه
وتفرحي فينا لمآ تحرمينا من حبايبنا وتعذبينا وتشمتي فينا
وليه تخلينا نشوف اللي حبونا مع ناس غيرنا ومن الحب محرومين
وتخلينا نعيش مع ناس حبيناهم وهما ماحبونا ومعاهم متلوعين
ولإمته هنفضل محرومين فيكي يادنيا وعايشين في ألم وعذاب وويل
وانتي بتسرقي الفرحه من قلوبنا ومبكيانه طول الليل
وطول ماحنا عايشين فيكي يادنيا عايشين متكدرين
كل واحد مننآ عذابه بيسرق فرحته وعايشين فيكي متعذبين
واللي بتحرميه من حبيبه عايش من غيره مسكين
واللي حبيبه عايش معاه وقلبه مع حد تاني ومش حاسس بيه
واللي مدياله مال وحاجات كتير وهو مش راضي بحاله
واللي مدياله حاجات كتيره وماله قليل تعباه هو وعياله
صحيح يادنيا انتي دنيا غريبه وغداره
حتي القلوب اللي مليانه طيبه وحنيه عايشه محتاره
مع ناس قلوبها مليانه قسوه ونفوسها مكاره
ليه يادنيا الفرحة غايبه عنآ وليه سرقتيها من قلوبنا
وشغلتينا بيكي ليل ونهار وخدتي منآ راحة البال والأمان
حتي قلوبنا مابقتش زى قلوب اهل زمان مليانه رضآ وحب وحنان
ليه يادنيا سرقتي منها حتي الطيبه والحنية
وخليتي قلوبنا زيك غداره مليانه ظلم وكره وأسيه
وبتحرمينا من اعز الناس لينا في حياتنا القاسيه ديه
وخليتي العيون مليانه علي طول بالدموع
دموع بتجرح الخدود وغاب الحب ومعاه حتي نور الشموع
وقلوب بتتعذب يادنيآ ليل ونهار ما بين الضلوع
هو انتي يادنيآ جرالك إيه وليه بتعملي كده فينا
توهتي عقولنا وجرحتي قلوبنا وسرقتي البسمه من عيونا
كإننا يادنيا مش عايشين في دنيا وبقينا عايشين في غابه
مليانه بالوحوش السعرانه والديآبه واحنا فيكي يادنيآ غلابه