يوم بعد يوم 
ألوم نفسى بفكر ليه ؟
هاتجيلى جالطه وأنا أعمل أيه.
طب بفكر ليه 
وأنا قاعد وحدى كده فى الغيط 
أأكل سريسه مع جعضيض
أسرح وأفكر كده فى البيت 
بناكل لحمه وكمان سبيط 
والحلو يبقى خارج البيت 
آه ياعينى بفكر ليه 
ُكنا زمان ُكلنا فى الدار 
وستى تبقى ست الدار
تدبح وزه مش كفيار 
وتبقى ليله غناء وحوار 
الأب جالس تقول جبار 
والعيله تنصت تقول حبار 
وأكلنا ديما بصل وخيار 
أه ياعينى بفكر ليه 
لمبتنا كانت لمبه جاز 
وكنونا كان لينا بوتجاز 
وفرننا كان لينا خباز 
آه يا عينى بفكر ليه 
حياتنا كانت من الغيط للبيت 
لا عيشنا لحظه فى يوم إيتكيت 
رجاله تشق أجدع حيط 
آه يا عينى بفكر ليه 
العيشه كانت على قد الحال 
الأب عايش عتال شيال 
والعيشه ماشيه مع راحه البال 
والأم صابره بتشيل أحمال 
علموا أجيال من نحت جبال 
آه ياعينى بفكر ليه 
الكل مادد كده فى أديه 
ويقول زمنا عامل كده ليه 
طب أسأل نفسك عملك أيه 
آه ياعينى بفكر ليه 
يوم بعد يوم 
ألوم نفسى بفكر ليه 
هاتجينى جالطه وأنا أعمل أيه 
آه ياعينى بفكر ليه