كبير فى السن عني كتير
لكن بحسه قلبه.كبييير
ناضج كتير أوى فى التفكير
بس السن بينا كبير
مش شايفه فيه حاجه غريبه
غير إني من قلبه قريبه
وبعده عني تبقى مصيبه
مع إن فرق السن كبير
حسيته كتير قريب مني
وقربه دا كتير طمني
ولو فكر يبعد عني
دى تبقي كارثه وأمر خطير
دا حب دا ولا دا إيه
مشدوده ليه أوى كدا ليه
وقلبي فرحان كمان بيه
مع إن سنه باين عليه
كتير خطابي حواليه
بدل الواحد يجي ميه
مال وشياكه وعربيه
بس القليب أعمل فيه إيه
طب لو انا إتجوزته
هيكون لى زوج وحبيب
ولا هكون ممرضته
وقلبي أحطه فى دواليب
وحياتى تبقى كراكيب
وأعيش أندم على حياتي 
الحاضر منها والأتي
وأقول داحظ بقى ونصيب
معلش بقى بيباي ياحبيب
أصل السن بينا كبير
ودى مجازفه وأمر خطير
محتاج كتير اوى للتفكير
يلا سلام باي باي ياكبير