يا حلوة يا بنت البلد 
يا حلوة يا اللي شايفة نفسك
يا حلوة يا بنت البلد يا اللي
ماشية تهزي جسمك
ما يغركيش جسمك الفاير 
والكام لون اللي انتي
حطاهم مع البُدره 
شوفي كام شخص ماتوا 
في الميدان في أخر يناير 
لجل تكمل الثورة
لجل تمشي حضرتك 
في وسط البلد 
من غير خشي ومن غير حيا 
لابسه هدوم متقطعة
تتغندري وتقولي حره
سايبه شعرك فوق كتافك ماسكة 
تابك راميه ورا ظهرك كتابك 
وتتبتري على عيشة أبوكي
وتقوليلوه دي عيشة مره
ولو حد إتكلم عن فعلك
جاهز ردك
إحنا شباب أو جيل الثورة
حرام عليكوا شوهتوا سمعتة 
ثورة هزت عرش مصر 
وعلي رأي((((( #الجخ 
ما قال في قصيدته 
آه يا البنت اللي بتتلوي
ولا في الرقص عرفتي تهزي 
ولا في الثورة عرفتي تثوري))))) 
لفي ودوري وقابلي شباب
حبي في ده وواعدي في ده 
وحني لده واللي يواجهك فيهم 
قولي قولي والله ده إحنا أصحاب
وإوعي تخافي
مهو زيك برضك كذاب
بيعرف غيرك يجي مليون
ووهمك إنك بس لوحدك 
ساكنه قصور القلب الخالي
آه يا بلادي م اللي جرالي
لما لقيتك صوتك عالي
ولا حاسس حد بأوجاعك
إيه اللي جرالك غير حالك
كنتي فراشه ب مليون لون
ولا يشبهلك شئ في الكون
بقي لونك أصفر دبلان
بقي لونك اسود بهتان
وكأنك يا بلادي خلاص
إتعودتي على الأحزان
زي برئ مسجون في حديد 
والظالم هو السجان 
زي برئ مسجون في حديد 
عمره بيخلص أمله بعيد
يخرج يبدء عُمر جديد 
يا متكحله بدم الشهيد 
اليللة عيد وإنتي رافضه تفرحي 
يا حلوة يا بنت البلد 
قومي يلا وروحي 
قلقوا عليكي الطيبين 
ولساكي ماسكه ايد الولد 
قلقوا عليكي الطيبين
ولساكي ماشيه تتفسحي 
وليكي البلد 
فرشة رموشها رصيف
وتتمايل ضفايرها علي خدودك 
بتوشوشك قلقوا عليكي الطيبين 
قومي يلا وروحي 
وإنتي أصلآ مش هنا 
كل اللي همك فسحتك 
يا وكستك ويا خيبة أبوكي
في خلفته أمن لواحده عرته 
وهتموته م الحزن بدري زي بلدي 
آه يابلدي آآآآآآآآه يا بلادي