شوفتوا بعيني ثواني وسابني من غير وداع.
وجاني في المنام وگان حلم جميل وضاع
كان هو حبيبي اللي طول عمري باحلم بيه وباتمناه
وبقالي سنين مستنيه ييجي يوم والقاه واعيش عمري فداه
ولقيته خدني لدنيا الشوق والغرام ونسيت معاه كل الجراح
وصحيت من نومي وياريتني ماصحيت ولا كان حبيب الروح راح
ولقيت نفسي مشغول بيه مش عارف ليه..وليه قلبي محتار معاه
وازاي انا وقلبي في يوم وليله 
حبيناه ودوبنآ ف هواه
وحاسس گإني عايش علي طول وياه
وروحي ساكنه روحه من زمان
راح وسابني من غير ماعرف هو مين وفين اراضيه ولإمته هاعيش في حرمان
وليه جاني وشغلي بالي وغيرلي حالي من حال لحال
وليه عنيه الحلوين خدوني وسابوني أنا وخيالي مشغول البال
وعقلي مني تاه والفكر فيه سارح والبال ليل ونهار بيه مشغول
وفضلت اقول لنفسي بحبه وكإني سامع دقات قلبه هي كمان بتقول
ولقيت حبه نساني نفسي وحيرني وگان صعب عليآ انساه
وصبرت كتير واتحملت بُعده وهجره يمكن يحن عليآ يوم والقاه
وفضلت اسأل وادور عليه سألت عنه الطيور وأغصان الزهور
وسألت عنه القمر والكواكب والنجوم وأمواج البحور
وكان أملي أعرف مكانه واروح أوصفلوا حبي وحالي يمكن يحس بيآ وبعذابي معاه
وساعات كنت باحس بيه واشوفوا قدامي والآقي نفسي باجري عليه
وياما حسيت إني عايز أضمه لحضني وأسمعوا دقات قلبي وهي بتناديه
معرفش ازاي بقه كل شيء بالنسبالي وباتمني اعيش بقربه واتهني بيه
وفيوم من الأيام كنت رايح لبحر الغرام اشكي منه واللي عمله حبه فيآ
وهناك حسيت برعشه ملكت جسمي وكياني ولقيت قلبي دقاته بتنهار
اتاريني كنت قاعد جنب حبيبي اللي بدور عليه ليل ونهار
بس كان تايه وهيمان ومشغول لآ داري بحاله ولآحاسس بيآ
قربت منه بشويش شويه لقيته بيشكي للبحر ألآمه وعذابه ولقيت حاله أصعب من حالي
اتاريه مسكين وبيعاني ظلم حبيب غدر بيه وراح لغيره
ولقيته بيبكي وصعبان عليه حاله
ولقيت دموعي سابقه دموعه 
وبتجري علي البحر بتحضن امواجه
وكإن القدر اللي جمعنا بيعاند فيآ وكتب عليآ أعيش من غير حبيب ووحداني
وهفضل سهران اناجي طيف حبيبي وهو بيحب حد تاني
والليل يطوول عليآ ويزيد عذابي وسهدي واشجاني