يا بخت مين قسمك
وادانى فيك سحتوت
خلانى اشوف السمك
يكبر ويصبح حوت
نفسى فيوم افهمك
مين اللى بيعلمك
تدى اللى مش مظبوط
عاجبك كدا حالى
واللى .. بيجرالى
كدا بقى .. مبسوط
ليه ابص واتحسر
وعضمى .. يتكسر
واصرخ ولا فى صوت
سنين .. وبتشعبط
مش عارف اتظبط
ولا حتى بالنبوت
يا بخت قول فين رحت
نزلت راجل تحت
ورفعت ف الهلفوت
خليتنى اقول ليه طز
لما يعدى الحظ
ويرمى السلام ويفوت
متقولى مين قسمك
وادانى فيك سحتوت