الغلابه يا ريس 
محتاجينك ترجع حقهم 
الفقر شقق جلدهم 
وأسعار بتحرق دخلهم 
ومرتبات مش كافيه أكلهم 
وفساد بيمص دمهم 
الغلابه يا ريس 
شايفين فيك الأمل 
تغير دواليب العمل 
من فساد لا يحتمل 
ورقابه صايمه كالجمل 
الغلابه يا ريس 
عاوزين عداله وحريه 
وتعليم وصحه ونفسيه 
مدارس مش سناتر خصوصيه 
ومشافى مش يفطه ومنسيه 
ممعانا ندفع نقديه 
وجامعه كوادر علميه 
مش شهاده وهى ملغيه 
الغلابه يا ريس 
دبحهم القطاع الخاص 
والرقابه بتوقع وخلاص 
ويرجع وفى إيده بلاص 
ويكتب تقريره بإسفاف 
وشبابنا عاوز إنصاف 
حاسس بمهانه وإجحاف 
وأقرانه بيصرف ببلاش
متعين من واحد هباش 
ومستنى عداله وإنصاف 
أو يحنوا الريس بلحاف
الغلابه يا ريس 
شايفين فيك الأمل 
والعدل لازم يكتمل 
شايفين فيك الأمل