خليك يا قلبي مليان حنيه وخليه يتدلل ويقسي عليآ
طول ما انت ياقلبي حنون عليه بكره يرجع تاني هو وحبه ليآ
وبكره يحس شوقي وناري ويبان الحب والغرام عليه
وان كان يوم يرضيه الخصام دموع عينيآ هتناديه
واوعاك ياقلبي تبقي قاسي زيه وتقسى عليه وتبكيه
خليه ياقلبي يتقل عليك ويعمل ما بداله
بكره الشوق يناديه وما هيرحم الغرام حاله
وان طال ياقلبي في ظلمه وعناده وريه شويه من قسوتك
مدام مطمرش فيه يوم حنيتك ولا صُعُبِتْ عليه دمعتك
واوعاك تحن ياقلبي تاني ليه وتصعب عليك دموع عنيه
خليه يحس عذابك ويعرف قد ايه كان قاسي وكنت شاريه
ولو زود عذابك ياقلبي وگان سبب يوم في جروحك
انساه ياقلبي وانسي انه في يوم كان ساكن قلبك وروحك
وسيبه ياقلبي للأيام ومعاك ذكريات ايامه الحلوه
وخليها في حياتك تبقي عايشه معاك احلي غنوه
وان مكنش قلبه يحس بيك ويندم علي اللي عمله فيك
وتكويه نار الحب ويحن للشوق والغرام ويناديك
وخلي بالك ياقلبي لو في يوم لقيته ندمان وجالك
وقال انه بريء وقلبه مليان حب وحنين والشوق كاويه علشانك
اوعي تصدق علي طول كلامه وتنسي اللي جرالك
وافتكر لما گان بيعذبك وانت تحن له زمان
وطلع قلبه عليك قاسي واناني معندوش حنان
وياما اتحملت منه وهو غدار ملوش امان
ماحنا ياما اترجينا قلبه يحن علينا ويصون ودادنا
ونعيش معاه ايامنا ونتهني معاه بليالي أفراحنا
وكان قلبه قاسي عليآ وعليك زي الحجر
وياما قولناله حبك انكتب علينا واصبح قدر
بس ياخساره كان دايماً بيتحدى الزمان ويتحدي القدر
وان كنت ناسي ياحبيبي اسأل الليالي هتجاوبك وتفكرك
ياما خدعتنا بكلام معسول وكنت انا وقلبي بنصدقك
وياما حسينا واتحملنا قسوتك ودلالك وافعالك
وطلع قلبك عمره ماگان يعرف الحنيه ولآ الحب يوم زارك
ورغم اللي كان ..كان قلبي دايماً يحن ليك ويترجاك
وخليتنا نسهرلك الليالي ونتمني رضاك
ونعيش ليلاتي في نار وعذاب وكنا باقين عليك وبنتمناك
دا انا كنت بحس بلمعة وضحكة عنيك وانت بتقول ليآ كلام كداب
وفرحان بعذابي حتي لما كانت دموع عنيآ بتجري علي خدودي
وكنت دايماً باحس انك بتخدعني بفرحتك
لما كنت باشوفك ومن شوقي ولهفتي باجري ناحيتك
وكنت قاسي كتير عليآ وكنت بتجرح 
مشاعري
لما كنت باحس انه مش فارقه معاك غيابي ولآ بُعدي
ازاي هقدر انسى وقلبي مليان منك آهات وانين
قولي ياحبيبي لمين هاشكي عنيك الكدابين
ولا لمين اشكيك وانت سبب عذاب قلبي طول السنين
كنت قلبي وعايش بين ضلوعي وسلمتلك بإيدي أمري
وبعد ماخليتني احبك واتمكنت مني وبقيت كل أهلي
إتغير حالك وجريت ورا أوهامك
وبعدت تاني ونسيت احلامي وأحلامك
وفضلت انا محتار بين دمعتي ليالي وليالي
وبين ضحكتي معاك يادوب ثواني
اوعاك يا قلبي تصدقه تاني وتنسي الأسيه
صدق إنه باعك وقلبه خلاص صبح خالي من الحنيه
وجرحنا هو وقلبه عيني عينك وكان ياقلبي اول فرحتك
ونسي الليالي الحلوه اللي كانت بينه وبينك ونسي انه كان دنيتك