غدار يازمن 
غدار ومالك صاحب
غدار فى
ليلك ونهارك
طول عمرك
ماشى عكس التيار
بنأمنلك وإنت
ملكش أمان
خاين لما بتوعد
والوعد عندك
ملهوش عهد
بتلف بينا
فى دنيا الوهم
وبتجرحنا وبتأخذ
أحلى ليالينا
وهو زمن
وبيلعب بينا
يوم نطير
من غير جناحين
ويوم نسحف
على إيدينا
ليه يادنيا
فيك زمن
بيقرب منا
وفجأة
يبعد بعيد
ويأخد الحلو فينا
ويحزنا على ليالينا
ليه يازمن 
غدرك مستخبى
وراء ستار
ٱاه يازمن
لو كان بأيدينا
ماخلقنا تعساء
لكنا مشينا
على هوانا
وماهمنا غدرك بينا
خلاص يازمن
رضينا بهمك وغدرك
وإنت مش
راضى بينا
مكتوب علينا
الغربه وإحنا
وسط أهالينا
خلاص خلاص
مفارقين وجوهك يازمن
وهنبعد ونسيب ليالينا
وحدك عيش يازمن
د الغدر مش
طبع فينا