حذر فذر قول متخافش 
مين فبلدنا مبيهلبش
الموظف .. وللا رئيسه
وللا المدارى فى الهيصه
وللا الماشى على خط موازى
إبليس يندهلو يا أستاذى
الماسك .. وللا الممسوك
وللا اللى ليلاتى يمسوك
كش ملك امسك يا وزير 
الميه .. نشفت فى الزير
كل جعان جوعو شبعان
واكل عشاه منغير ما يبان
بص على الترابيزه من تحت
هتلاقى الدنيا ردم وفحت
مره شكيت مرتشى موجود 
قالى رئيسه .. هاتلى شهود
وقالى بلاش تهمه بالباطل 
حسيتنى شكيت قاتل للقاتل 
بصراحه ياخال كدا يبقى كتير
وجنيه الراشى دا أكل فقير
ملايين الرشوه صنعوا شريف
حرامى صحيح إنما حريف
لف لفه .. وخدلك جوله 
شوفلنا كام شريف ف الدوله
حذر فذر .. قول ما تخبى 
واحد انكشف .. كام مستخبى
ورحمة أمى اديلك جايزه 
لو قلتلى كام ذمه بايظه