نصيحة طبية /
وضحكة فقرية / 
ابعد عن كثرة الاوجاع / 
لان الزعل يخلينا نفكر في اللي ضاع /
ونجيب من الالم كيتوفان مسكن للصداع /
لازم الواحد يديها طناش ويريح بالة في كل الاوضاع /
لان النكد يهد قلاع /
دي السعادة من ذهب /
مش كدة ولا اية /
كلامي حقيقة مش تخاريف ليلية /
اللي باع وخدع انساه /
يعني الزعل مرفوض خليك انت الجدع /
واوعاك في يوم تمشي مع اللي يضرب ودع / 
ده كل شئ مكتوب /
يبقي اللي جاي احسن / 
تفائل وخليك سعيد /
تبقي صحتك حديد / 
ارمي ورا ضهرك / 
تلقي الفرج جاي من بعيد /
عيش وكلك امل تلقي الحلم بجد وليد /
دي السعادة منحة من ربنا والابتسامة في زمنا شئ فريد /
بالامل والجد في العمل تلقي السعادة والنجاح / 
دي الحياة جمالها في الكفاح /
اسعي فيها باخلاص تبقي حياتك كلها فلاح /
عمرك متزعل علي اللي راح /
تلقي حياتك كلها افراح /
ايوة الدنيا فيها اللي مرتاح /
وفيها اللي مش مرتاح /
لكن ربك اللي خلقك هو اللي بيرزق مهما تكون عايش فيها سواح /