إنت عارف بعدك عنى
ياحبيبى عمل أيه
صابنى بجرح كبير
تحتار الأطبا فيه
مش عارف ياعمري
حبى ليك أد إيه
أد الكون دا كله
والعالم واللى فيه
انت عايز تبعد عنى ليه
دا إنتا العمر اللى جاى
واللحن الأصيل
اللى بعزفه ع الناى
أعيش بعدك ممكن
تقولى حبيبى إزاى
جاى تقول لى دلوقتى
وتحلف لى بربك
انك مش قادر تكون ليا
بعد ماسكنت روحي جو دربك
هوا فيه فى الكون 
دا كله حد حبك
أد حبى ليك ياغالى
ع العموم دا قرارك 
مش قرارى
هتفضل ساكن قلبى
وخيااااالى
ولا يخطر يوم أبدا فى بالى
إنى أنسى حب عمرى
دا حب غالى
جاى تقول لى دلوقتى 
سلااااام
مش شايف بعدك عنى
دا حرااااام
هو دا بقى حسن الختام
راح فين الحب والغرام
والقلب اللى كان عاشق
وبيا هااااام
ولا هو دا ظلم الايام
جاى تقولها لى بسهوله
ياسلاااام