قولّلي ياحبيبي انت مين
وجيت منين
وكنت غايب من زمان
عني فين
انا بين ايديك أنا حد تاني 
خليت قلبي وأمري ملك اديك
بانسي روحي بانسي نفسي
لما اشوفك واجري عليك
بتوه في شكلي 
واشوف ملامحي 
حد تاني جوه عنيك
باحس اني في عالم تاني
باحس اني معاك ملاك
بشوف في عينك طريق حياتي 
بشوف دنيتي جنه معاك
حياتي من قبل منك كانت 
طريق ضلمه وليل طويل..
وبعد حبك بساتين زهور 
ونسيم جميل يشفي العليل
احساسي بهواك احساس جميل 
ملوش في الدنيا زيه مثيل
وكل يوم فات عليآ ياحبيبي
قبل منك كان ممات
جيت وغيرت حياتي
واحلوت الدنيا في عنيآ
وبقيت اهلي واحبابي 
وكل اللي ليآ
في الدنيآ الجميله ديآ
خليتني أندم ياحبيبي
علي كل يوم من عمري
قبل منك عليآ فات
ونسيت ايامي ويا ألآمي 
ونسيت معاك كل الآهات
وهواك خلآني 
طير وطاير في السما 
ونسيت معاك ايام العذاب
وهناك لقيت النجوم بتنده عليآ
وانا وقلبي تايهين في هواك 
فوق السحاب
ضمني يآحبيبي لحضنك 
وطمن خوفي ولهفتي
وفرحني بيك
وبحنانك دفيني وارويني
وسيب عيني هيمانه فيك
وهات ايديك تحضن ايديا.. 
وخليني انا وقلبي وعقلي
تايهين ودايبين في هواك
مين زيي فرحان في الدنيا
ومعاه حبيب زي حبيبي
ودايب في هواه
ومين الدنيا ضحكت معاه 
وادتلوا حبيب قلبه مليان حنيه
عاش العمر يتمناه
وياك صالحت ايامي 
وحبك حقق ليآ احلامي
ونسيت كل العوازل والحساد
ياحبيبي ونور عيوني 
اللي كان مطفي من دموعي
ولمآ جيت لعيوني عاد
ياللي قربك وحبي ليك
خلاني شايف الجنه 
وكل الناس فيها احباب
يارب ماتحرمني 
من حبي لحبيبي 
ولا يوم احس فيه 
بِعيد عني أو لحظه غاب
الله ع الحب لما يخلي الدنيا جنه 
مليانه حبايب وعشاق
عايشين والفرحه في عنيهم
وكوياهم نار الأشواق