ياما قالوا وياما عادوا عن نار الحب وضنا عذابه
وحاكوني كتير عن حبايب في الحب تابوا
وعن عاشقين العشق جنن عقولهم و⁩⁦في الهوي دابوا
حكايات كتيره خلت قلبي خاف من الحب لمآ قالوا
ومهما قالولي العاشقين من گلآم جميل عن الشوق وناره
لمآ گان بياخدني الشوق والحنين كنت اقول لقلبي بلآش مراره
رغم اني من صغري ياما حلمت بحبيبي وقلبي شافه
وياما اتمنيت احبه حب تاني من نوع جديد ماحد قبلي حسه وعاشه
دا انا كنت حاسس بحبيبي من زمان وياما شغلني طيفه وخياله
لحد ماشوفته ولقيت نفسي غصب عني باجري عليه
وگان اول حبيب حسيت بحبه وحنانه من عنيه
ونسيت اللي كان بيتقال عن الحب لمآ گانوا عايزين يكرهوني فيه
اتاري الحب نعيم وجنه واحساس جميل
احساس بيخلي القلب عايش في نشوه ملهاش مثيل
ولقيت نفسي بنادي واقول 
الحب ياناس اجمل شيء في الكون
تعالوا شوفوا قلبي وهو في حبيبي دايب وبهوآه مجنون
حتي في عذابي بتزيد أشواقي لحبيبي يوم مايبعد أو يغيب
وآه من الحب وحلاوته لمآ بيخلي الغريب حبيب وقريب
أقول ايه عن الحب وعمايله واوصف ياناس هناه لمين
ومين غيري في الحب متهني علشان يحس بيآ ويقول آمين
ولو صانوا الأحبه هواهم ماكان في الدنيا قلب حبيب حزين
دا انا لما حبيت ولحبيبي أخلصت ووفيت
راحت احزاني وايام عمري من قبله وكل الآمها نسيت
ودالوقتي بقول محلي السهر ويا حبيبي لمآ شغلني حتي في منامي
واقول إمته تجمعنا الليالي 
واعيش معاه احلي أيامي
واخلي قلبي عِش لحبيبي يسكن العمر كله فيه
وأخلي ضلوعي تِحَابي عليه 
وتحفظ الود في قلبه وتحميه
ومن حبي وحناني بگاسات الهنا أملآ واسقيه
ولما ألقاه عطشان آخد من ماء عيني علي طول وأرويه
مهما قلت ومهما وصفت فرحتي وهنايا في العشق والغرام
القلب مليان بيه ويصعب عليآ وصفه ولو قولت كل الكلام
ياريتني كنت قابلتك ياحبيبي وحبيتك من زمان
كنت غرقت في نهر حبك وحنانك وكنت ليك بر الأمان
دي كلمة حبيبي بتزيد فقلبي الأفراح ونوره
وبتقيد لليالي الحب والغرام أجمل شموعه
ياريتني افضل اقول كلمة حبيبي لحبيبي ليل ونهار
كلمه جميله بتخلي القلب دقاته للحب تنهار
الله علي الحب ونعيمه في قلبي
الله عليه
وآه من نار الأشواق لمآ تشعلل لهيبها فيه
دآ سر الحب ياناس في القلب والفؤآد
زي سر الروح تمام والمولي سبحانه خلقه وخلقها جوه الأجساد