أنا اللى بلعب بالحروف واللى القوافى لعبتى أبص ع الدنيا واشوف واهدى لحبايبى محبتى ساعات أبكى ساعات احكى بداوى وجعى وجروحى يبكينى ساعات ضحكى وحروفى خارجه من روحى أنا اللى شاعر بالمشاعر أترجم الإحساس كلام واحد يقول كلامو داعر والتانى يقول كلام تمام ساعات كلامى فيه أمل وساعات يكون كلام حزين مشوار ولسا ماكتمل راكب وراه قطر السنين نفسى فكلام لما اموت تقراه أجيال ورا أجيال وتحكى جدران البيوت كان فيه شاعر وبختو مال
