لاعب كوره ورقاصه 
يكفيكم شر البصاصه
فنان مذيع مقام رفيع
إنتم صنف غير الجميع 
الناس تملى حاسدينكم
من جنس تانى عادينكم
وكتير وياكم مش جايين 
علشان بتقبضوا بالملايين
ناس بتشقى عشان لقمه 
حاسين انكوا عالم لؤما
عايشين حياة البغددا
وبتنصحوهم بالرضا
شهره واستمتاع وفلوس 
ودوس ع الغلابه دوس
وتستغربوا من شكوتهم
وتقولوا حد يسكتهم
لو راح العدل يا ساده
إياكوا تلوموا الحساده
شايلين منكوا هموم وهموم
والحقد سلاح للمظلوم