أكتُب لك / بدمع العين
بمشاعرى اللى / ليك عايشين
بنبضات قلب / فيها حنين
ياحروف قلمى / فين رايحين
أكتُب لك / ان أنا باهواك
ودقات قلبى / عايشه معاك
وسنين عُمرى / والله فداك
ياحبيب روحى / مين قساك
وأكتُب لك / بعطر الورد
بلهفه شوق / ودمعتين ع الخد
وباحلم بيك / وأنا فى المهد
باكتب لك بأشواقى /وقلبى فى انتظار الرد
تعبت كتيرمن الفُرقه / ومن سهرى وطول السُهد
ياريت مكتوبى يوصل لك / وأشوف فى الحلم لو ظلك
ونبض حروفى ينقل لك / تحن فى يوم على خِلك
ساعتها قلبى هايكون لك / ويطرح وردى مع فُلك