ياخساره الحب اللي كان.. واتولد هنا في نفس المكان
في يوم من الأيام .عدي عليآ بقالوا زمان
وگان يوم يساوى العمر كله.. كان يوم گإنه گان أحلام
وياريت من يومها حبيبي معايآ أو كان في عمري آخر الأيام
حبيبي گإنه گان ملاك من السمآ وهِنا في نفس المكان قابلته
وأول ماهَلّْ عليآ نوره وعيني حضنت عنيه وشوفته
قولت خلاص رضي عليآ الزمان من بعد مابكاني سنين
وبعتلي حبيب يفرحني وينسيني الأهات والأنين
وبابتسامه من بين شفايفه ونظرة حنيه من عنيه
حسيت بنفسي طاير فالسمآ وقلبي دقاته فرحانه بتنادي عليه
وغير حياتي وشغل فكري وبالي وسهرني الليالي
ولما بيزيد عليآ عذابي والقي دموعي علي الخد سبقاني
اقول يارتني ماشوفته ولاعنيآ جت في عنيه ولا شغل بالي
دآ كإنه كان حلم وحلمت بيه ومن يومها مافارق خيالي
وعدت عليا ايام فاتت سنين شوفت فيها الويل والمرار
وبيني وبين عيني وقلبي وعقلي عايش معاهم علي طول في نار
مش عارف ان كان حِلم ولآ گانت أوهام
من يومها ليلي نهار ونهاري ليل وانا بين ليلي ونهاري محتار
ولاَّ گان ملاك وطيفه فات عليآ ولمآ شغلني سابني وراح
ولاَّ هو حبيب من بين البشر والقدر جمع قلوبنا وبقيت سواح
طب هو منين والآقيه فين ولو گان قدري ليه فاتني وسابلي الجراح
من يومها وانا حيران ان كان من بين البشر اتمناه واكمل معاه المشوار
وان كان ملاك اتمني روحي تاخدني وأروح أعيش وياه
ونعيش في الجنه إللي ياما صورتها في خيالي وحلمت بيها معاه
وطال الليل وانا سهران مع طيف حبيبي اللي طول عمري باتمناه
وفاتت ايام وأيام.. فاتت عليآ سنين مليانه شوق وحنين
لارحمني طيفه وسابني في حالي 
ولا جاني حبيبي وفرحني بلقاه
ولا عارف مكان اروحله واقابله فيه واتهني بحبه ويرتاح البال
وطال انتظاري وزاد عذابي لمآ باروح يوماتي نفس المكان واستناه
وعدت سنين عمري لاقادر انسي ابتسامته ولا بتنساني نظرة عنيه
وطيفه ليلاتي بيزور حُضني وبياخد ايدي بين إيديه
ومن يومها وانا راضي بعذابي وأملي في بكره ماخلاني يوم اشتكيت
ومهما شوفت من عذاب وضنا هستناه يجيني مهما ضحيت وعانيت
ماهو انا وقلبي رضينا بالحب وعذابه لغاية مادوبنا فيه
ومهما من جراح ولوم هتحمل مدام بيهنيني طيفه وبيجيني كل يوم
وهفضل انا وصبري صابرين لغاية ملآقي حبيبي ورضاه عليا يدوم
وتحلو سنيني اللي باقيه من عمري مع حبيبي اللي مستنيني ومستنيه
وتخلص دموع عيني وترتاح خدودي ويفرح قلبي وتتحقق الأماني بيه