الشاى ع النار يابو عبد الله 
والجار للجار سيبها عللا
أنا جنبك أقرب من اخوك
من خالك عمك أو ابوك
تستنى ليه بعيد من دمك
مين أقريلك يحمل همك
مين غيرى تحكيلى واحكيلك
مره تشيلنى ومره أشيلك
مين اللى بابو قصاد بابى
مين اللى يصونى فى غيابى
ولمين افضفض ساعة الخنقه
يسند ضهرى لو فيه زنقه
واللى هوصيه على عيالى
لو قدرى سبقنى فيوم جالى
مين اللى بقولو أنا رايح
مين بيزودنى بنصايح
مين لما بيسمع منى الآه 
بلقاه بيعينى بعد الله
يفرحلى لو يلقانى بفرح
ويحوش عنى سهم بيجرح
الشاى ع النار يابو عبد الله 
والجار للجار سيبها عللا